Llwybr Cymunedol Pentre’r Eglwys Llantrisant i Trefforest
Llwybr Cymunedol Pentre’r Eglwys oedd un o’r llwybrau di-draffig cyntaf i’w gwblhau fel rhan o ‘Rwydwaith Beicio’r Cymoedd’, estyniad o ragor na 100 milltir o’r Rhwydwaith Beicio Cenedlaethol ar draws hen faes glo De Cymru.
O dafarn y Cross Inn yn Llantrisant, mae’r llwybr hwn yn rhedeg i’r gogledd o ffordd osgoi Pentre’r Eglwys i gymuned Ton-teg ac ymlaen i Drefforest, gan roi cyfle gwych i ymwelwyr a chymudwyr fwynhau tirwedd cyfoethog y Cymoedd.
Ceir paneli gwybodaeth i ddweud wrthych am y doreth o fywyd gwyllt y gellir ei weld yn byw ar hyd y llwybr. Arhoswch am ychydig i weld a allwch gael cip ar Löyn Brith y Gors prin sy’n hoff o ymgartrefu yn y gwrychoedd. Mwynhewch bicnic ar fainc eco neu ar Fainc Portreadau wych Trefforest - sy’n cynnwys canwr lleol enwog, wedi ei anfarwoli mewn dur hindreuliedig yn sefyll yn falch ar y ‘green, green grass of home’. Ar y llwybr gallwch hefyd weld gwyntyll 6 troedfedd o uchder o Oes Fictoria wedi ei orchuddio â delweddau ffyrdd o deithio y dyfodol a ddyluniwyd gan blant ysgol gynradd leol.
Bydd rhan newydd sbon o’r llwybr cymudo hwylus hwn yn agor ym mis Mehefin 2012 fel rhan o ddathliadau Wythnos Beicio Rhondda Cynon Taf. Gan ddechrau yn Nhon-teg, bydd yn parhau’r llwybr di-draffig gwych hwn yr holl ffordd i orsaf drenau Trefforest ac adeiladau campws Prifysgol Morgannwg.
Cynigwyd y llwybr gan: Sustrans
Tagiau
Sylwadau (0)
Manylion allweddol y llwybr
- Rhanbarth/Ardal:
Cymoedd De Cymru
- Pellter:
6 milltir
- Dosbarthiad:
Hawdd
- Traffig:
Di-draffig
- Wyneb:
Tarmac
- Cychwyn:
Llantrisant
- Gorffen:
Trefforest
- Mynediad:
Gorsafoedd Rheilfford Pontclun a Trefforest
- Tywydd:
-
Sul
uchaf: 18°C isaf: 9°C
-
Llun
uchaf: 20°C isaf: 7°C
-
Mawrth
uchaf: 21°C isaf: 9°C
-
Mercher
uchaf: 22°C isaf: 11°C
Dewis llwybr arall
