Routes2Ride - Sustrans

Nôl

Llwybr Cwm Elan o'r Rhaeadr

Sylwadau
Gweld map

Mae’r llwybr ysblennydd hwn yn dringo heibio i dair cronfa ddŵr yng Nghanolbarth hardd a mynyddig Cymru ac yn dilyn llwybr hen Reilffordd y Birmingham Coorporation, a adeiladwyd er mwyn cynorthwyo yn y gwaith o greu cronfeydd dŵr Elan. Adeiladwyd y rhain rhwng 1892 a 1904, ac yn ystod y cyfnod prysuraf cyflogwyd dros 5000 o ddynion. Crëwyd y cronfeydd i gyflenwi dŵr i Birmingham ac mae’r dŵr yn teithio 73 milltir mewn pibau i gyrraedd pen ei daith.

Cyfres o lynnoedd cul yw’r cronfeydd dŵr sy’n rhedeg o’r gogledd i’r de. Gallwch ddysgu mwy am waith adeiladu’r cronfeydd yn y Ganolfan Ymwelwyr (sydd hefyd â chaffi).

Mae’r daith yn dringo 165 troedfedd o Ganolfan Ymwelwyr Cwm Elan heibio i gronfeydd dŵr Caban Coch a’r Garreg Ddu gyda’u hargaeau gwych a thwr dŵr addurnol, nes cyrraedd pen uchaf Cronfa Ddŵr Penygarreg. Oddi yma mae’r llwybr yn mynd ar i lawr yn ôl i’r cychwyn. Pan fydd y cronfeydd yn llawn gallwch weld miliynau o alwyni o ddŵr yn rhaeadru dros furiau’r argae.

Mae’r twnnel ger tref Rhaeadr yn warchodfa natur ar gyfer ystlumod prin. Mae’r llwybr hefyd yng nghanol ardal y Barcud Coch, felly mae’n bosib y gwelwch yr adar gwych hyn â’u cynffonau fforchog amlwg yn hedfan yn yr aer thermal uwchben.