Routes2Ride - Sustrans

Nôl

Abergwaun i Dyddewi

Sylwadau
Gweld map

Mae dwy ran bendant i’r daith sy’n ymuno yn Nhre-fin. Mae’r adran gyntaf o Abergwaun i Dre-fin yn eithaf bryniog, ac mae ar rai priffyrdd am bellteroedd byr i gychwyn. Fodd bynnag, wrth i chi adael Abergwaun mae pethau’n dechrau tawelu, gyda lonydd gwledig tawel ac adran ddi-draffig fer.

Mae pethau’n dechrau datblygu fodd bynnag wrth i chi ddynesu at a mynd heibio Tre-fin. Gan deithio yn bennaf ar grib ychydig i mewn o’r arfordir, mae’r daith yn llai bryniog (er gallwch ddisgwyl ychydig o ddringfeydd) ac mae’r golygfeydd ar hyd Arfordir Sir Benfro yn drawiadol. Os nad oes gwahaniaeth gennych gael dringfa serth yn ôl i’r llwybr, mae’n bosibl mynd i lawr i gildraethau bychain a’r clogwyni.

Ar yr ochr arall gallwch fwynhau’r olygfa a geir gan Fynyddoedd y Preseli a’r dirwedd arw a grëwyd gan lawer o garneddau claddu.

Oherwydd poblogrwydd Tyddewi, gall hyd yn oed yr isffyrdd fod yn brysur wrth i chi ddynesu at y ddinas fechan unigryw hon a’i Chadeirlan enwog, ond peidiwch â gadael i’r traffig eich atal rhag mynd gan fod yr olygfa yn wych ac mae lleoliad Tyddewi yn hollol fendigedig.