Routes2Ride - Sustrans

Nôl

Llwybr Tri Pharc

Sylwadau
Gweld map

Gan ddechrau o Barc Gwledig Sirhywi ger Crosskeys mae’r daith yn parhau am 6 milltir, gan groesi traphont 16 bwa wych Hengoed. Cadwch lygad am ‘Yr Olwyn Dramiau’ gerllaw, gwaith celf 8 metr o uchder gyda thirnod adnabyddus sy’n cynrychioli’r oes a fu.

Gan barhau ar hyd y cwm byddwch yn mynd drwy Barc Penallta lle gallwch fwynhau golygfeydd trawiadol ar draws y fwrdeistref sirol. Cadwch lygad am Sultan, y Ceffyl Pwll, cerflun pridd ffigurol mwyaf y DU. Yn Nhrelewis gadewch Lwybr Cenedlaethol 47 a dilynwch 476 i Barc Taf Bargoed, a arferai fod yn faes glo mawr. Mae’r afon a fu gynt yn ddu erbyn hyn yn hafan i’r trochwr a’r sigl-i-gwt, ac mae glan yr afon yn lle ardderchog am bicnic.

Gallwch ymestyn y daith yn hawdd i’r gorllewin drwy Fynwent y Crynwyr i gysylltu â Thaith Taf, a mynd am y gogledd tuag at Ferthyr neu i’r de tuag at Bontypridd.